Úkimet basshysy aýyl balalarynyń jazǵy demalysyn qalaı uıymdastyrý kerektigin aıtty

ASTANA. QazAqparat – Premer-Mınıstr Álıhan Smaıylov Úkimet otyrysynda aýyl balalarynyń jazǵy demalysy qalaı uıymdastyrylýy kerektigin aıtty, dep habarlaıdy QazAqparat tilshisi.

«Jazǵy demalysta balalardyń qaýipsizdigi basty nazarda bolýy kerek. Іshki ister, Tótenshe jaǵdaılar, Oqý-aǵartý, Densaýlyq saqtaý mınıstrlikteri, óńir ákimderi tıisti qyzmetterdiń turaqty jumysyn qamtamasyz etýi qajet.

Ákimder jaz aılarynda oqý oryndaryndaǵy qaýipsizdik júıelerin jańǵyrtyp, jabdyqtaý jumystaryn kúsheıtýi tıis», - dedi Álıhan Smaıylov.

Premer-Mınıstr jergiliktiti ákimdikterge áleýmettik osal toptaǵy balalardyń jazǵy demalysyn saýyqtyrý sharalarymen selbestirýdi tapsyrdy.

«Aýyl balalarynyń bos ýaqytyn tıimdi ótkizý erekshe nazarda bolýy kerek. Olar úshin sport alańdary men damý ortalyqtaryn jabdyqtap, oıyn-saýyq, mádenı is-sharalardy uıymdastyrý qajet», - dedi ol.