Úkimet basshysy aýyl balalaryna Astanaǵa saıahat uıymdastyrýdy júktedi

ASTANA. QazAqparat – Jazǵy demalys kezinde shalǵaı aýyldardaǵy balalardyń Astanaǵa saıahaty uıymdastyrylady. Úkimet otyrysynda Álıhan Smaıylov oblys ákimderine osyndaı tapsyrma berdi, dep habarlaıdy QazAqparat tilshisi.

«Jazǵy demalysty uıymdastyrýdyń áleýmettik mańyzyn eskere otyryp, múddeli memlekettik organdar men ákimdikter balalarǵa arnalǵan is-sharalardyń mazmuny men sapasyna erekshe kóńil aýdarýy kerek.

Mádenıet mınıstrligi ákimdiktermen birlesip, ishki týrızmdi damytý sheńberinde ekskýrsııalyq-tanymdyq is-sharalardy uıymdastyryp, balalardyń tabıǵat aıasyna saıahattaryn arttyrýy tıis», - dedi Úkimet bashysy.

Jazǵy demalys kezinde oqýshylardyń mádenı oshaqtarǵa barýyn uıymdastyrý qajettigi de aıtyldy.

«Óńir ákimderi kanıkýl kezinde oqýshylardyń mýzeılerge, teatrlarǵa, qoryqtarǵa, ulttyq parkter men sport nysandaryna tegin barýyn qamtamasyz etýi qajet. Shalǵaı eldi mekenderde turatyn balalar úshin mádenı-tarıhı jerlerge, Astanaǵa saıahatty uıymdastyrý kerek», - dedi Álıhan Smaıylov.

Sondaı-aq búgin Úkimet otyrysynda jazǵy demalys kezinde aýyl balalaryna durys kóńil bólinbeıtini aıtylyp, jazda densaýlyqtaryna skrınıng jasaý tapsyryldy. Budan bólek, bos ýaqyttaryn tıimdi ótkizýge erekshe kóńil bólý júkteldi.