Úkimet basshysy áýekompanııanyń jolaýshymen dıalog ornatý mádenıetiniń tómendigin synǵa aldy
«Otandyq avıakompanııalarǵa qatysty jolaýshylar tarapynan oryndy syn-eskertýler aıtylýda. Máselen, reısterdiń keshigýi nemese múldem oryndalmaı qalýyna baılanysty shaǵymdar kóp. Aıtalyq, osy jyldyń qańtar-aqpan aılarynda «Fly Arystan» kompanııasy Qostanaı áýejaıynan Astana men Almatyǵa ushýy tıis reısterdiń jartysyna jýyǵyn oryndaǵan joq. Sondaı-aq, 25 aqpanda dál osy avıakompanııanyń jolaýshylary «Astana-Shymkent» reısiniń 10 saǵatqa keshigýine baılanysty janjal shyǵardy. Aqyr aıaǵynda, ol reıs múldem oryndalmaı qaldy», - dep máseleni atady Premer- Mınıstr.
Onyń aıtýynsha, kompanııalardyń jolaýshylarmen dıalog ornatý, mán-jaıdy túsindirý mádenıeti tómen.
«Áýekompanııalardyń jolaýshylarmen tikeleı dıalog ornatý mádenıeti tómen. Reısterdiń keshigý sebepterin ýaqtyly túsindirmeıdi. Laıyqty servıs usynylmaıdy. Osydan baryp, baǵa saıasatynda da kóptegen suraqtar týyndaıdy», - dedi Úkimet basshysy.