Úkimet basshysy: Abaı, Ulytaý, Jetisý oblystarynyń damýyna qosymsha serpin berý qajet
«Memleket basshysynyń sheshimimen úsh oblys ashyldy. Olar: Abaı, Ulytaý, Jetisý oblystary. Biraq, bul oblystardy uıymdastyrý jumystary áli de júrgizilip jatyr. Osy uıymdastyrý jumystary tolyǵymen bitkennen keıin ǵana olar arnaýly keshendi áleýmettik-ekonomıkalyq damý josparlaryn daıyndap, Úkimette bekitetin bolady», - dedi Úkimet basshysy «Qazaqstan» ulttyq telearnasynyń «Jańa Qazaqstan» baǵdarlamasyna bergen suhbatynda.
Onyń atap ótýinshe, bul oblystar jańadan ashylǵannan keıin olarǵa erekshe kóńil bólinip, qosymsha kómek kórsetilýi qajet.
«Sondyqtan osyndaı keshendi jospar qabyldanady. Osy oblystardy qurý sheshiminiń ózi atalǵan aımaqta turatyn halyqtyń áleýmettik-ekonomıkalyq jaǵdaıyn jaqsartýǵa oń yqpalyn tıgizip otyr. Úkimet tarapynan qarajat bólinip, osy oblystardyń damýyna qosymsha serpin berý qajet», - dedi Álıhan Smaıylov.
Osyǵan deıin Úkimet basshysynyń baspana baǵasyn qalaı turaqtandyrýǵa bolatyny týraly pikirin berdik.
Foto: primeminister.kz