Úkimet basshysy 2023 jyly elimizde ınflıatsııa tómendeıtinin aıtty
«Álemdik sarapshylar dúnıejúzilik ekonomıka retsessııa kezeńine ótip jatqanyn aıtyp jatyr. Bul rette biz orta merzimdi perspektıvada turaqty ekonomıkalyq damýǵa baǵyttalǵan saıasatty júzege asyryp otyrmyz. Inflıatsııaǵa toqtalsaq, Ulttyq bankpen birlesip, ony tejeý boıynsha keshendi sharalardy júzege asyryp jatyrmyz. Bul turǵyda júıeli ári jedel sharalar eskerilgen», - dedi Álıhan Smaıylov Májilistiń jalpy otyrysynda.
Onyń aıtýynsha, júıeli sharalar ishki naryqty otandyq taýarlarmen qamtamasyz etýge jáne ımportqa táýeldilikti azaıtýǵa, azyq-túlik qaýipsizdigin qamtamasyz etý josparyn júzege asyrýǵa baǵyttalǵan.
«Jedel sharalar aıasynda birinshi kezekte logıstıka, monopolııaǵa qarsy, syrtqy saýdany retteý, zańmen belgilengen áleýmettik mańyzy bar azyq-túlik taýarlarynyń 15 paıyzdyq saýda ústemesine baqylaý jasaý, sondaı-aq forvardtyq satyp alý, turaqtandyrý qorlaryn qalyptastyrý jáne basqa da sharalar eskerilgen. Qabyldanǵan sharalardyń nátıjesinde kelesi jyly ınflıatsııa 7,5%-9,5%-ǵa deıin tómendeıdi, al odan keıingi jyldary taǵy da tómen bolady dep esepteımiz», - dedi Úkimet basshysy.
Budan buryn habarlanǵandaı, Á. Smaıylov Reseıden Qazaqstanǵa keletin barlyq ımport 30%-ǵa qymbattaǵanyn aıtty.