Úkimet «Almaty - Qapshaǵaı» jolyn bıyl aıaqtaýdy josparlaýda
16:36, 10 Tamyz 2016
ASTANA. QazAqparat - Uzyndyǵy 104 shaqyrym bolatyn «Almaty - Qapshaǵaı» tas jolynyń qurylysy bıyl aıaqtalady. Bul týraly búgin Úkimet otyrysynda QR Investıtsııalar jáne damý mınıstri Jeńis Qasymbek málim etti.
«Ortalyq-Ońtústik» (Astana-Almaty) jobasy boıynsha. Osy baǵyttaǵy jumystar 2013 jyly 171 shaqyrymdyq «Astana-Temirtaý» jáne 104 shaqyrymdyq «Almaty-Qapshaǵaı» tasjolynda bastalǵan bolatyn. Qazirgi ýaqytta «Astana-Temirtaý» tasjolynyń 12 shaqyrym ýchaskesi men «Almaty-Qapshaǵaı» tasjolynyń 72 shaqyrymy paıdalanýǵa berildi. Eki joba da bıyl aıaqtalady. Kólik qozǵalysy men abattandyrý jumystary aǵymdaǵy jyly qamtamasyz etiledi», - dedi mınıstr.
J. Qasymbektiń aıtýynsha, 2016 jyly jol salýǵa 330 mlrd teńgege jýyq qarajat qarastyrylǵan. Aqpan-shilde aılarynda 146 mlrd teńgege jýyq qarajat ıgerildi. Bul shamamen jalpy qarajattyń 44%-y.
«Eń negizgi jumystar qyrkúıek, qazan, qarasha aılarynda bastalady», - dedi ol.