Úkimet 2027 jylǵa deıin aýyldarda 40 myń jańa jumys ornyn qurmaqshy

ASTANA. QazAqparat – Premer-Mınıstr Álıhan Smaıylov 2027 jylǵa deıin aýyldarda 40 myń jańa jumys orny qurylatynyn málim etti, dep habarlaıdy QazAqparat tilshisi.

«Bıyl jalpy quny 143 mlrd teńgege 1,5 myń joba josparlanǵan. 2027 jylǵa qaraı aýyldyq eldi mekenderde sýdyń sapasy men joldardyń jaǵdaıy jaqsarady, ınjenerlik jeliler jóndelip, áleýmettik, mádenıet jáne sport obektileri salynady. 40 myńǵa jýyq jumys orny qurylady», - dedi ol Úkimet otyrysynda.

Álıhan Smaıylovtyń aıtýynsha, jobadaǵy is-sharalar aýyldardyń damýyna jańa serpin berýi kerek.

Al Ulttyq ekonomıka mınıstri Álibek Qýantyrovtyń málimeti boıynsha, shekaraǵa jaqyn jatqan aýyldarda 1,7 mln adam turyp jatyr.