Úkimet «100 naqty qadam» Ult josparyn iske asyrýdyń aralyq qorytyndylaryn qarady
QR Premer-Mınıstri Asqar Mamınniń tóraǵalyǵymen jáne QR Parlamenti Májilisiniń Tóraǵasy N. Nyǵmatýlınniń qatysýymen ótken Jańǵyrtý jónindegi ulttyq komıssııa otyrysynda «Tuńǵysh Prezıdent – Elbasy N. Nazarbaevtyń bes ınstıtýtsıonaldyq reformasyn júzege asyrýdyń «100 naqty qadamy» Ult josparyn oryndaýdyń 2019 jylǵy jumys qorytyndylary shyǵaryldy.
«Tuńǵysh Prezıdent – Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaev azamattarymyzdyń turmys sapasyn jaqsartý jáne ál-aýqatyn arttyrý mindetin qoıdy. Onyń sheshimi «100 naqty qadam» Ult josparynyń sapaly oryndalýyna da baılanysty», - dedi A. Mamın.
Búginde Ult josparynyń 100 qadamynyń 59 qadamy oryndalyp, baqylaýdan alyndy, 3 qadamy «Rýhanı jańǵyrý» baǵdarlamasy aıasynda iske asyrylyp jatyr jáne ony Qoǵamdyq sanany jańǵyrtý jónindegi ulttyq komıssııa baqylaıdy.
Qalǵan 38 qadamnyń iske asyrylý barysy týraly ulttyq ekonomıka mınıstri R. Dálenov, aýyl sharýashylyǵy mınıstri S. Omarov, ındýstrııa jáne ınfraqurylymdyq damý mınıstri B. Atamqulov, syrtqy ister mınıstri M. Tileýberdi, tsıfrlyq damý, ınnovatsııalar jáne aeroǵarysh ónerkásibi mınıstri A. Jumaǵalıev, densaýlyq saqtaý mınıstri E. Birtanov jáne basqa da jaýapty tulǵalar baıandady.
Álem naryqtaryna shyǵýdy qamtamasyz etý, jekemenshik medıtsınany damytý jáne t. b. maqsattarda týrıstik salaǵa strategııalyq ınvestorlardy tartý, jol-kólik ınfraqurylymyn kútip ustaý jáne damytý úshin bir operator tartý, óńdeý sektoryna TUK tartý boıynsha qadamdardy iske asyrý qarqynyn arttyrý qajettigine erekshe nazar aýdaryldy.
Úkimet basshysy Ult josparyn tolyqqandy ári sapaly iske asyrý boıynsha belsendi jumystardy jalǵastyrýdy tapsyrdy.