Ýımbldonda Elena Rybakına jartylaı fınal joldamasy úshin synǵa túsedi

ASTANA. QazAqparat – Qazaqstannyń birinshi, álemniń 3-raketkasy Elena Rybakına búgin Londonda Ýımbldon týrnırinde shırek fınaldyq kezdesýin ótkizedi, dep habarlaıdy QazAqparat tilshisi.

Qazaqstandyq tennısshi jartylaı fınal joldamasy úshin álemniń 6-raketkasy, týnıstik Ons Jabermen synǵa túsedi.

Bul olardyń ózara besinshi oıyny bolmaq.

Osyǵan deıin tennısshiler tórt ret kezdesken. 2019 jyly Ýhan týrnıriniń ekinshi aınalymynda E.Rybakına 6:1, 6:7 (3:7), 6:2 esebimen utty. Al 2021 jyly Dýbaıda O.Jaber 7:6 (8:6), 4:6, 6:2, AQSh-ta Chıkagoda jartylaı fınalda 6:4, 3:2 (E.Rybakına básekeni jalǵastyrýdan bas tartqan) esebimen jeńdi.

Ótken jyly Ýımbldon fınalynda Elena Rybakına 3:6, 6:2, 6:2 esebimen týnıstik tennısshini qapy qaldyryp, qazaqstandyq tennısshilerden alǵash ret jekeleı synda «Úlken dýlyǵa» jarysynyń chempıony atanǵany belgili.

Bıyl O.Jaber sonyń esesin qaıtarýǵa bar sheberligin salatynyn málimdep úlgerdi.

Match Astana ýaqytymen saǵat 18.30-da bastalady.

Ýımbldonda Anna Danılına aralas jupta frantsııalyq Nıkolıa Maıýmen birge shırek fınalda dodanyń 7-raketkalary, horvatııalyq Mate Pavıch – ýkraınalyq Lıýdmıla Kıchenokqa ese jiberdi – 3:6, 4:6. Sóıtip, A.Danılına jartylaı fınalǵa óte almady.

Eske sala keteıik, budan buryn Elena Rybakınanyń Ýımbldonnyń shırek fınalyna joldama alǵanyn jazǵan edik.

Sondaı-aq ıÝlııa Pýtıntseva Shvetsııadaǵy jarysty jeńispen bastady.

Ýımbldonda álemniń birinshi raketkasy jeńilip qaldy.