Ýımbldon: ıÝlııa Pýtıntseva qarsylasyna jol berdi

ASTANA. QazAqparat – Qazaqstannyń ekinshi, álemniń 56-raketkasy ıÝlııa Pýtıntseva Ýımbdon týrnıriniń ekinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi alǵashqy aınalymda álemniń 13-raketkasy, brazılııalyq Beatrıs Haddad Maııamen sheberlik baıqasty.

Matchty sátti bastaǵan Pýtıntseva 4:1 esebimen alǵa shyqty. Jańbyr jaýyp ketýine baılanysty jarııalanǵan úzilisten keıin qazaqstandyq sportshy sol basymdyǵyn joǵaltqan joq – 6:3.

Alaıda budan soń brazılııalyq tennısshi kúsh alyp ketti – 6:0, 6:4.

Eki saǵattan astam ýaqytqa sozylǵan tartysty báseke barysynda ıÝlııa 2 eıspen birge 4 breık-poınttyń teń jartysyn paıdalandy. Qarsylasy 5 eıs, 5 breıkpen (11 breık-poınt) kózge tústi.

Beatrıs Haddad Maııa ekinshi aınalymda reıtıngide 133-orynda turǵan rýmynııalyq Jaklın Krıstıanmen kezdesedi. Ol álemniń 47-raketkasy, ıtalııalyq Lıýchııa Brontsettıdi tize búktirdi – 6:3, 6:4.

Eske sala keteıik, budan buryn Aleksandr Býblıktiń 24 eıs jasap, Ýımbldondy jeńispen bastaǵanyn jazǵan bolatynbyz.

Sondaı-aq Ýımbldonda Elena Rybakına ekinshi aınalymǵa shyqty.