Ýımbldon: Rodjer Federer Elena Rybakınanyń jeńisine qol soqty

ASTANA. QazAqparat – Ataqty shveıtsarııalyq tennısshi Rodjer Federer Ýımbldonda ortalyq kortta Elena Rybakınanyń oıynyn tamashalap, jeńisine qol soqty, dep habarlaıdy QazAqparat tilshisi.

E.Rybakına men amerıkalyq Shelbı Rodjers matchy aldynda «Úlken dýlyǵa» týrnırleriniń 20 dúrkin chempıony R.Federerge qurmet kórsetildi.

Dańqty oıynshynyń qurmetine kórermender birneshe mınýt boıy qol shapalaqtady.

Báseke aıaqtalǵannan keıin Rodjer Federerdiń ózi ornynan turyp, qazaqstandyq tennısshige qol soqty. Bul Ýımbldon Twitter áleýmettik jelisinde jarııalaǵan vıdeodan anyq kórinedi.

Eske sala keteıik, budan buryn Aleksandr Býblıktiń 24 eıs jasap, Ýımbldondy jeńispen bastaǵanyn jazǵan bolatynbyz.

Sondaı-aq Ýımbldonda Elena Rybakına ekinshi aınalymǵa shyqty.