Ýımbldon: Kýkýshkın men Evseev irikteý saıystarynyń fınalyna shyqty

<p>LONDON. KAZINFORM &ndash; Qazaqstandyq tennısshiler Mıhaıl Kýkýshkın men Denıs Evseev Ýımbldon týrnıri irikteý saıystarynyń fınalyna shyqty.&nbsp;</p>

Álemniń 132-raketkasy Kýkýshkın irikteý kezeńiniń jartylaı fınalynda dúnıejúzilik reıtıngide 152-orynda turǵan frantsııalyq Bendjamın Bonzıdiń mysyn basty. Qazaqstandyq tennısshi qarsylasynan 6:4, 7:5 esebimen basym tústi. Bir saǵat 21 mınýtqa sozylǵan báseke barysynda ol 3 eıs jasap, 6 breık-poınttyń ekeýin paıdalandy. Bonzı 10 eıspen kózge tústi.

Mıhaıl Kýkýshkın irikteý saıystarynyń fınalynda álemniń 70-raketkasy, taǵy bir frantsııalyq ıÝgo Gaston nemese reıtıngide 199-satydaǵy horvatııalyq, 18 jastaǵy Dıno Prıjmıchtiń bireýimen kezdesedi.

Álemniń 163-raketkasy D.Evseev reıtıngide 133-oryndaǵy frantsııalyq Tıtýan Drogeniń meselin qaıyrdy – 6:4, 7:6 (7:3). Bul match ta 1 saǵat 21 mınýtta bitti. Denıs 9 eıspen birge 6 breık-poınttyń teń jartysyn óz esebine jazdy. Droge 3 eıs, 2 breıkten (4 breık-poınt) asa alǵan joq. 

Denıs Evseev álemniń 179-raketkasy, belgııalyq Zızý Bergs nemese reıtıngide 140-satydaǵy frantsııalyq Per-ıÝg Erberdiń bireýimen oınaıdy. 

Búgin sondaı-aq Ýımbldonda Tımofeı Skatov, Beıbit Juqaev jáne Zarına Dııas synǵa túsedi. 

Eske sala keteıik, budan buryn Zarına Dııastyń Ýımbldon týrnıriniń irikteý saıysyn jeńispen bastaǵanyn jazǵan bolatynbyz.