Ýımbldon: qazaqstandyq tennısshiler juptyq synda kimdermen oınaıdy

<p>LONDON. KAZINFORM &ndash; Qazaqstandyq tennısshilerdiń Ýımbldon týrnırinde juptyq synda kimdermen oınaıtyny belgili boldy.</p>

Qazaqstannyń juptyq syndaǵy birinshi, álemniń 53-raketkasy Anna Danılına qytaılyq Sıýı Ifanmen birge 1/8 fınalda Polsha ókilderi Magdalena Frenh – Katajına Kavamen sheberlik baıqasady. 

Bul match 3 shilde kúni Astana ýaqytymen saǵat 15.00-ge belgilengen. 

Qazaqstannyń erler arasynda juptyq syndaǵy birinshi, álemniń 47-raketkasy Aleksandr Nedovesov osyǵan deıin Istbýrn ATP 250 týrnırinde rýmynııalyq Vlad Vıktor Kornıamen birge oınap kórip edi, biraq ol sátti bola qoıǵan joq. Sondyqtan shyǵar, A.Nedovesov Ýımbldonda kópten birge óner kórsetip júrgen ekvadorlyq Gonsalo Eskobarmen qaıta juptasady. Olar bastapqy kezdesýin ıspanııalyqtar Roberto Karbales Baena – Pablo Karreno-Býstamen ótkizedi. 

Aleksandr Býblık pen Aleksandr Shevchenko úndistandyq ıÝkı Bhambı – frantsııalyq Albano Olıvettıden ótýge tyrysyp kóredi. 

Eske sala keteıik, budan buryn Anna Danılınanyń Germanııadaǵy jarystyń jartylaı fınalyna joldama alǵanyn jazǵan bolatynbyz.