Ýımbldon: Elena Rybakına jartylaı fınalǵa shyqty

<p>LONDON. KAZINFORM &mdash; Qazaqstannyń birinshi, álemniń tórtinshi raketkasy Elena Rybakına Ýımbldon týrnıriniń jartylaı fınalyna shyqty.</p>

Qazaqstandyq tennısshi jartylaı shırek fınalda álemniń 21-raketkasy, Ýkraına ókili Elına Svıtolınamen kortta kezdesti.

Osyǵan deıin qarsylastar ózara tórt ret oınap, eki-ekiden jeńiske jetken edi. Sonyń ishinde Tokıo olımpıadasynda qola júlde úshin básekede Svıtolına basym tússe, bıyl Rolan Garrosta Rybakına ese qaıtarǵan edi.

Bul joly tennısshiler matchty breık almasýmen bastady. Degenmen Rybakına taǵy bir breıkpen basymdylyǵyn bekitti — 6:3.

Ekinshi setti Elena breıkpen bastap, sosyn esepti 5:2-ge jetkizdi. Aqyry matchqa dop bergende, qınalǵan joq — 6:2.

Bir saǵatqa sozylǵan báseke barysynda qazaqstandyq tennısshi 7 eıspen birge 6 breık-poınttyń tórteýin paıdalandy. Svıtolına 1 eıs, 1 breıkpen shekteldi.

Elena Rybakına fınalǵa shyǵý úshin álemniń 14-raketkasy, latvııalyq Elena Ostapenko nemese reıtıngide 32-orynda turǵan chehııalyq Barbora Kreıchıkovanyń bireýimen talasady.

2022 jyly Elena Ýımbldonda úzdik shyqsa, ótken jyly shırek fınalǵa deıin jetken edi.

Eske sala keteıik, budan buryn Ámir Omarhanovtyń jasóspirimder arasynda 1/8 fınalǵa joldama alǵanyn jazǵan bolatynbyz.