Ýımbldon chempıony Elena Rybakınanyń San-Hose týrnırindegi qarsylasy anyqtaldy
AQSh-ta 1-7 tamyzda hard tósenishinde ótetin jarystyń alǵashqy aınalymynda qazaqstandyq tennısshi álemniń 12-inshi, osy dodanyń 7-raketkasy, reseılik Darıa Kasatkınamen sheberlik baıqasady.
Álemniń 3-raketkasy, grekııalyq Marııa Sakkarı týrnırdi ekinshi aınalymnan bastap, amerıkalyq Shelbı Rodjers nemese kanadalyq Bıanka Andreeskýdiń bireýimen kezdesedi.
Jarystyń ekinshi raketkasy bolyp tirkelgen, dúnıejúzilik reıtıngte tórtinshi satydaǵy ıspanııalyq Paýla Badosa ekinshi raýndta amerıkalyq Elıson Rıske nemese irikteý saıysy jeńimpazdarynyń birimen kortqa shyǵady.
Alǵashqy aınalymdaǵy qyzyqty matchtar dep mynalardy aıtýǵa bolady:
Amanda Anısımova (AQSh) – Eshlın Krıýger (AQSh, WC);
Karolına Plıshkova (Chehııa, 8) – Keıtı Býlter (Ulybrıtanııa, WC);
Kamıla Djordjı (Italııa) – Garbıne Mýgýrýsa (Ispanııa, 5);
Naomı Osaka (Japonııa) – Chjen Tsınven (Qytaı).
Dodanyń júlde qory 757 myń AQSh dollarynan asady. Ótken jyly munda amerıkalyq Danıel Kollınz jeńimpaz atanǵan bolatyn.
Eske sala keteıik, budan buryn Anna Danılınanyń Varshava jarysynyń jartylaı fınalyna ótkenin jazǵan bolatynbyz.
Foto: sports.kz