Ýımbldon chempıony Elena Rybakına Qazaqstanǵa kele jatyr

ORAL. QazAqparat – Ýımbldon chempıony Elena Rybakına Qazaqstanǵa kele jatyr, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, 12 shilde kúni Elena Rybakına elordada jýrnalıstermen, jas sportshylarmen jáne jankúıerlermen júzdespekshi.

«Qymbatty qazaqstandyqtar! Men elge kele jatyrmyn. Sizder meni Ýımbldondaǵy jeńisti jarysta qatty qoldadyńyzdar. Muny men sezindim, sol úshin alǵys aıtamyn. Biz tarıhı sátti bastan birge keshirdik. Tamasha sát! Munyń óz basymnan ótkenine áli sene alar emespin», - dedi E.Rybakına.

Eske sala keteıik, budan buryn Elena Rybakınanyń alǵash ret Ýımbldon týrnıriniń chempıony atanǵanyn, barsha jankúıerlerge alǵysyn jetkizgenin jazǵan bolatynbyz.

Sondaı-aq Bolat Ótemuratov Elena Rybakınanyń jarqyn jeńisteri alda ekendigin aıtty.