Ýımbldon: Ámir Omarhanov jasóspirimder arasynda alǵashqy jeńisine qol jetkizdi
Jarystyń 13-raketkasy bolyp tirkelgen qazaqstandyq tennısshi bastapqy kezdesýin brazılııalyq Gýstavo Rıbeıro de Almeıdamen ótkizdi.
Birinshi partııada taı-breıkte Ámir sáttirek oınady – 7:6 (7:5). Ekinshisinde de esesin jibergen joq – 6:3.
Ámir Omarhanov kelesi aınalymǵa ótý úshin ulybrıtanııalyq Lıýk Hýpermen talasady.
Qyzdar arasynda Asyljan Arystanbekovanyń japonııalyq Reına Gotomen oıyny keıinge qaldyryldy. Munda birinshi partııada japonııalyq tennısshi 6:2 esebimen basym tússe, ekinshisinde Asyljan artyǵymen ese qaıyrdy – 6:0.
Qazaqstandyq, álemniń 222-raketkasy Dmıtrıı Popkoǵa Brashov (Rýmynııa) chellendjer týrnırinde bir kúnde eki match ótkizýine týra keldi. Ol jartylaı fınalda úsh saǵatqa jýyq ýaqytqa sozylǵan básekede amerıkalyq Nıkolas Moreno De Alborandy utqanymen, ekinshi oıynǵa shamasy jetpedi. Sóıtip fınalda álemniń 214-raketkasy, bolıvııalyq Mýrkel Alehandro Dellıen Velaskodan jeńilip qaldy – 3:6, 5:7.
Taǵy bir qazaqstandyq, álemniń 230-raketkasy Tımofeı Skatov Trýa (Frantsııa) chellendjer jarysynyń fınalynda reıtıngide 400-oryndaǵy frantsııalyq, 18 jastaǵy Gabrıel Debrýǵa ese jiberdi – 3:6, 7:6 (7:1), 5:7. Bul tartysty báseke 3 saǵat 25 mınýtqa sozyldy.
Eske sala keteıik, budan buryn Dmıtrıı Popkonyń Rýmynııada jarystyń 2-raketkasyn utyp, fınalǵa shyqqanyn jazǵan bolatynbyz.
Sondaı-aq Jibek Qulambaeva Bosnııadaǵy jarystyń jeńimpazy atandy.