Ýımbldon: Aleksandr Býblıktiń kelesi qarsylasy belgili boldy

ASTANA. QazAqparat – Qazaqstannyń birinshi, álemniń 26-raketkasy Aleksandr Býblıktiń Ýımbldonnyń tórtinshi aınalymyndaǵy qarsylasy belgili boldy, dep habarlaıdy QazAqparat tilshisi.

Qazaqstandyq tennısshi álemniń 7-raketkasy, reseılik Andreı Rýblevpen shırek fınalǵa shyǵý úshin talasady.

Qos sportshy bir-birin jasóspirim kezinen jaqsy biledi. Osyǵan deıin olar bes ret kezdesip, sonyń úsheýinde A.Rýblev, ekeýinde A.Býblık jeńgen.

Qazaqstandyq sportshy jýyrda Galle (Germanııa) ATP 500 týrnıriniń fınalynda reseılikti 6:3, 3:6, 6:3 esebimen utqan edi.

A.Rýblev Ýımbldon jarysynyń úshinshi aınalymynda reıtıngte 123-orynda turǵan belgııalyq Davıd Goffendi úsh saǵattan astam ýaqytqa sozylǵan matchta 6:3, 6:7 (6:8), 7:6 (7:5), 6:1 esebimen joldan taıdyrdy.

A.Býblık pen A.Rýblev 9 shilde kúni shırek fınal joldamasyn sarapqa salady.

Aleksandr Býblık tórtinshi aınalymǵa shyqqany úshin 207 myń fýnt sterlıng (118 mln-daı teńge) tabys tapty.

Senbi kúni Qazaqstannyń áıelder arasyndaǵy birinshi, álemniń 3-raketkasy Elena Rybakına úshinshi aınalymda reıtıngte 89-satydaǵy ulybrıtanııalyq Ketı Býltermen oınaıdy. Munda jergilikti jankúıerler arasynda kort ıesiniń baryn salary sózsiz.

Eske sala keteıik, budan buryn Ýımbldonda Elena Rybakınanyń ekinshi jeńisine qol jetkizgenin jazǵan bolatynbyz.

Sondaı-aq Tımofeı Skatov Germanııadaǵy jarystyń jartylaı fınalyna shyqty.

Al Aleksandr Býblık alǵash ret Ýımbldonnyń tórtinshi aınalymyna ótti.

Qazaqstandyq jas tennısshiler Tegerandaǵy dodanyń fınalynda.