Ýımbldon: Aleksandr Býblık úshinshi aınalymǵa joldama aldy

ASTANA. QazAqparat – Qazaqstannyń birinshi, álemniń 26-raketkasy Aleksandr Býblık Ýımbldon týrnıriniń úshinshi aınalymyna shyqty, dep habarlaıdy QazAqparat tilshisi.

Ekinshi aınalymda 26 jastaǵy A.Býblık álemniń 48-raketkasy, amerıkalyq Djeffrı-Djon Výlfpen sheberlik baıqasty.

Osyǵan deıin qarsylastar úsh ret kezdesip, bárinde 24 jastaǵy amerıkalyq sportshy utqan edi.

Bul joly birinshi partııada A.Býblık 6:3 esebimen basym tústi.

Qazaqstandyq tennısshi ekinshi sette taı-breıkte esesin jibermedi – 7:6 (7:5).

Úshinshi partııada Aleksandr tipti bet qaratpady – 6:0.

Bir saǵat 45 mınýtqa sozylǵan báseke barysynda qazaqstandyq sportshy 10 eıs jasap, 9 breık-poınttyń beseýin paıdalandy. Qarsylasy 4 eıs, 1 breıkpen shekteldi.

Osylaısha, A.Býblık óz sporttyq jolynda úshinshi ret Ýımbldon jarysynyń 1/16 fınalyna ótti.

Aleksandr Býblık tórtinshi aınalymǵa shyǵý úshin dúnıejúzilik reıtıngte 170-orynda turǵan germanııalyq Maksımılıan Marterer nemese álemniń 119-raketkasy, amerıkalyq Maıkl Mmonyń bireýimen talasady.

Eske sala keteıik, budan buryn Ýımbldonda ıÝlııa Pýtıntsevanyń qarsylasyna jol bergenin jazǵan bolatynbyz.

Tımofeı Skatov Germanııadaǵy týrnırdiń shırek fınalyna shyqty.

Sondaı-aq Ýımbldonda Elena Rybakınanyń ekinshi qarsylasy anyqtaldy.

Úsh qazaqstandyq jas tennısshi Tegerandaǵy týrnırdiń shırek fınalyna ótti.