Ýımbldon: Aleksandr Býblık 32 eıs jasap, ekinshi aınalymǵa shyqty

<p>LONDON. KAZINFORM &ndash; Qazaqstannyń birinshi, álemniń 23-raketkasy Aleksandr Býblık kambek jasap, Ýımbldon týrnıriniń ekinshi aınalymyna shyqty.</p>

Qazaqstandyq tennısshiniń reıtıngide 78-orynda turǵan 18 jastaǵy chehııalyq ıAkýb Menshıkpen matchy bulaı tartysty bolady dep jankúıerler oılamaǵan bolar. Bastapqy eki sette Menshık sheberlik tanytty – 6:4, 7:6 (7:2). Budan keıin oıyn tizginin qolyna alǵan Býblık kambek jasaı aldy – 6:4, 6:4, 6:2.

Úsh saǵat 25 mınýtqa sozylǵan báseke barysynda Býblık 32 eıs jasap, 23 breık-poınttyń beseýin óz esebine jazdy. Menshık 14 eıs, 2 breıkpen (7 breık-poınt) shekteldi.

Aleksandr Býblık úshinshi aınalymǵa shyǵý úshin álemniń 82-raketkasy, belgııalyq Zızý Bergs nemese reıtıngide 98-oryndaǵy frantsııalyq Artýr Kazonyń jeńgenimen talasady.

Taǵy bir qazaqstandyq, reıtıngide 57-satydaǵy Aleksandr Shevchenko da álemniń 16-raketkasy, frantsııalyq Ýgo Ýmbermen bes settik match ótkizdi. Úsh saǵat 17 mınýtqa sozylǵan bul kezdesýde frantsııalyq sportshynyń baǵy jandy – 6:1, 4:6, 7:6 (7:2), 6:7 (3:7), 6:1.

Eske sala keteıik, budan buryn Ýımbldon týrnırinde qazaqstandyqtardyń múmkindigi qandaı ekenin jazǵan bolatynbyz.

Sondaı-aq Rybakınanyń basty qarsylastarynyń biri Ýımbldonǵa qatysýdan bas tartty.