Ýıll Smıt 10 jylǵa «Oskar» marapattaý rásiminen shettetildi

NUR-SULTAN. QazAqparat – Amerıka kınoakademııasy Ýıll Smıtke on jyl boıy «Oskar» marapattaý rásimine jáne osy uıymnyń basqa da sharalaryna qatysýǵa tyıym saldy, dep habarlaıdy QazAqparat VVS agenttigine silteme jasap.

Osylaısha akter 2022 jylǵy Oskar marapattaý rásiminde tóbeleskeni úshin jazalandy. Ol ornynan turyp, komık Krıs Roktyń betinen uryp, keıin oǵan bylapyt sózder aıtqan bolatyn.

Smıtke úkim kıno akademııasynyń vırtýaldy otyrysynda shyǵaryldy, onda tanymal Gollıvýd akterine qandaı jaza qoldanylatyny talqylandy.

Smıt óz áreketi úshin keshirim surady, alaıda bul jetkiliksiz boldy.

Akademııa málimdemesinde bıylǵy marapattaý rásimine Smıttiń sahnadaǵy qaýipti áreketi kóleńke túsirgeni aıtylady. Smıttiń shettettilý merzimi 2022 jyldyń 8 sáýirinen bastalady.

Buǵan deıin Smıt osy oqıǵaǵa baılanysty akademııa quramynan ketetinin málimdegen bolatyn. Ol «kınoakademııanyń senimin aqtamaǵanyn», óz áreketi úshin qaıǵyratynyn aıtty.