Ýılıam hanzada men Keıt Mıddlton sońǵy segiz jylda alǵash ret AQSh-qa bardy

VAShINGTON. QazAqparat – Ýels hanzadasy men hanshaıymy sársenbi kúni Bostonǵa ushyp keldi. Olar juma kúni «Earthshot Prize Awards» syılyǵyn tabystaýdyń ekinshi rásimin ótkizedi, dep habarlaıdy QazAqparat menshikti tilshisi CNN-ge silteme jasap.

Ýılıam klımat ózgerisine arnalǵan syılyǵyn 2020 jyly adamzat aldynda turǵan keıbir ózekti ekologııa máselelerin sheshý maqsatynda álemdegi eń myqty aqyl-oıdy biriktirý úmitimen bekitti.

Jyl saıyn kelesi onjyldyqta bes jeńimpaz klımattyq daǵdarystyń shyǵarmashylyq sheshimin qarjylandyrý úshin 1 mıllıon fýnt sterlıng (shamamen 1,12 mıllıon dollar) alady.

Osy jobany oılastyrǵan kezde Ulybrıtanııa taq murageri prezıdent Djon Kennedıdiń 1962 jyly AQSh-qa ǵaryshty ıgerýdi tapsyrǵan kezdegi «Moonshot» («Aıǵa atý») degen sózinen shabyt alǵan.

Korol otbasynyń 40 jastaǵy ókili málim etkendeı, bıylǵy rásimge Boston ádeıi tańdap alynǵan, óıtkeni qalanyń ýnıversıtetteri, ǵylymı ortalyqtary jáne jarqyn startaptary ony ǵylym, ınnovatsııa jáne sheksiz ambıtsııa salasyndaǵy álemdik kóshbasshyǵa aınaldyrady.

Aq úıdiń habarlaýynsha, Ýılıam men Keıt juma kúni Bostonda AQSh prezıdenti Djo Baıdenmen kezdesedi dep josparlanǵan.

Bul - korol otbasynyń segiz jyl buryn Nıý-Iorkke kelgennen keıingi AQSh-qa alǵashqy sapary.

Foto: Chris Jackson/ Getty Images