ÚIID-niń ekinshi besjyldyǵy úshin kadrlardy daıarlaýǵa 10 JOO men 10 kolledj kirisedi - B. Saparbaev

ASTANA. QazAqparat - Qazaqstandaǵy ındýstrııalandyrý baǵdarlamasynyń ekinshi besjyldyǵy aıasynda bıyldan bastap 10 kolledj jáne 10 JOO kásiporyndarǵa mamandardy daıarlaýdy bastaıdy.

Bul týraly búgin Astanada jas mamandar forýmynda Premer-Mınıstrdiń orynbasary Berdibek Saparbaev málim etti.

«Biz osy baǵdarlama úshin mamandardy daıarlaýǵa 10 JOO men 10 kolledjdi aıqyndadyq. Bıyldan bastap daıyndyqty bastaımyz. QR Bilim jáne ǵylym mınıstrligi qazirgi kezde mamandyqtar tizbesi men oqytý baǵdarlamalaryn, josparlardy aıqyndady. Osy oraıda sizderdi bul baǵdarlamany júzege asyrýǵa qatysýǵa shaqyramyz»,-dedi B. Saparbaev.

Memleket jastardyń áleýetin keńinen ashýǵa negizdelgen jastar saıasatyn júrgizip jatqandyǵyna toqtalǵan ol, osy turǵyda buǵan bıyldyń basynda jarııalanǵan BUU reıtingi dálel bola alatyndyǵyn atap ótti. Reıtıngke sáıkes, álemniń 170 eli arasynda Qazaqstan jastar saıasatyn damytý kórsetkishi boıynsha 27 orynǵa ıe boldy.