ÚIID memlekettik baǵdarlamasynda ónerkásiptiń 6 salasy qamtylǵan

ASTANA. QazAqparat - Elimizdiń údemeli ındýstrıaldy ınnovatsııalyq damý memlekettik baǵdarlamasynda ónerkásiptiń 6 salasy qamtylǵan.

Bul salalardyń quramynda 14 basym sektor bar ári olar eki topqa bólingen. Birinshi basymdyq tobyna munaı óńdeý jáne munaı-gaz hımııasy, agrohımııa jáne azyq-túlik óndirý, sondaı-aq qara metallýrgııa enedi. Ekinshi basymdyq tobynda - qurylys materıaldaryn shyǵarý, tústi metallýrgııa, ónerkásipke hımıkattar óndirý, aýyl sharýashylyǵy tehnıkasyn, avtokólik, onyń bólshekteri men qozǵaltqyshtaryn shyǵarý sektorlary qamtylǵan.

Buǵan qosa, ekinshi topqa elektr jabdyqtaryn, temir jol tehnıkasyn óndirý, taý-ken qazýshy, munaı óńdeýshi jáne munaı óndirýshi ónerkásipke arnalǵan mashınalar men jabdyqtar shyǵarý kiredi.