ÚIID memlekettik baǵdarlamasy aýqymynda Almatyda aǵymdaǵy jyldyń ekinshi jartysynda taǵy 3 joba júzege asyrylady - Memleket basshysy

TANA. 2 tamyz. QazAqparat - Almaty Údemeli ındýstrııalyq-ınnovatsııalyq damý memlekettik baǵdarlamasyn iske asyrýǵa belsendilikpen qosyldy. Almatyda 2010-2014 jyldary osy baǵdarlamaǵa 16 joba engizildi.

Bul týraly Memleket basshysy Nursultan Nazarbaev ońtústik astanadaǵy metropolıtenniń birinshi kezegi qurylysy aıaqtalýy barysymen tanysqannan keıin eske saldy.

«Onyń ishinde 4 joba 2010 jyly iske asty. Aǵymdaǵy jyldyń birinshi jartyjyldyǵynda 3 kásiporyn iske qosyldy, 2011 jylǵy ekinshi jartyjyldyqta taǵy 3 joba iske qosylatyn bolady», - dep atap ótti N.Nazarbaev.

Elbasy atap kórsetkenindeı, nátıjesinde tek 2001 jylǵy birinshi jyrtyjyldyqta qalada quny 205 mıllıard teńgeden astam ónerkásip ónimi óndirildi, bul 2010 jyldyń tıisinshe kezeńinen 21 jarym paıyzǵa kóp. Osy rette Almatynyń respýblıkalyq kólemdegi úlesi búginde 2,7 paıyzdy quraıdy.