ÚIID MB-2 aıasynda 2015 jyldan bastap 1 myń standart ázirlenedi

ASTANA. QazAqparat - Qazaqstan standarttarynyń halyqaralyq standarttarmen úılesimdigi 70 paıyzdan asty. Bul týraly búgin Astanada ónim sapasy máselelerine arnalǵan halyqaralyq forým barysynda QR Investıtsııalar jáne damý mınıstrligi Tehnıkalyq retteý jáne metrologııa komıteti tóraǵasynyń orynbasary Ǵalymjan Dýgalov málim etti.

«ÚIID MB-2 aıasynda biz aldaǵy jyldan bastap ónimge 1 myń standartty ázirleımiz. Onyń ishinde jańa standarttar menedjment pen sapa júıesi boıynsha qamtylmaq. ıAǵnı, menedjment júıesi ónimge áser etedi. Bizdiń ónim básekege qabiletti bolýy úshin atalǵan standarttardy engizý óte mańyzdy», - dedi ol. Ǵ.Dýgalovtyń sózine qaraǵanda, búginde elimizde kóptegen kásiporyndar osy ıdeıaǵa mán berip, engizip jatyr. «Keden odaǵy aıasynda jumys istep jatyrmyz, sonymen qatar elimiz DSU-ǵa kirýge daıyndalyp jatyr. Osynyń barlyǵyn eskerip, 2015 jyldan bastap bıýdjetten 1 myń standartqa aqsha bólinip otyr. Óıtkeni árbir salaǵa, shyǵyp jatqan ónimderge ózimizdiń qazaqstandyq standarttar qajet. Ol standarttar halyqaralyq standarttarǵa sáıkes bolýy tıis. Búginde Qazaqstan standarttarynyń halyqaralyq standarttarmen úılesimdiligi 70 paıyzdan asyp kele jatyr», - dedi ol. Belgili bolǵandaı, atalǵan myń standart boıynsha búginde tıisti jospar ázirlengen. Osy oraıda olardyń barlyǵy kelesi jyldyń aıaǵyna deıin daıyn bolady. «Daıyn bolǵannan keıin olar bizdiń komıtettiń qaýlysymen bekitiledi», - dep túıdi Ǵ.Dýgalov.