ÚIID baǵdarlamasy aıasynda Aqtóbe oblysynda 67 joba júzege asyryldy - A. Muhambetov

ASTANA. 8 qarasha. QazAqparat - Údemeli ındýstrııalyq-ınnovatsııalyq damý memlekettik baǵdarlamasy aıasynda Aqtóbe oblysynda 67 joba júzege asyryldy.

Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte atalǵan oblystyń basshysy Arhımed Muhambetov málim etti. Onyń sózine qaraǵanda, Indýstrııalandyrý kartasyna Aqtóbe oblysynan 517,2 mlrd. teńgeniń 74 jobasy engizildi. 10 myń jumys ornyn qurý eskerilgen. 3 jyldyń ishinde jalpy 67 joba iske qosyldy, bul óńirlerdegi eń joǵary kórsetkishterdiń biri bolyp tabylady. Ákimniń aıtýynsha, aǵymdaǵy jyly 10 jobany iske qosý josparlanǵan bolsa, 7-ýi paıdalanýǵa berildi. Al, qalǵandary jyl sońyna deıin tapsyrylady dep kútilýde. Olardyń ishinde Qazaqstannyń Indýstrııalandyrý kartasynyń ishindegi bıylǵy jyly iske qosylatyn iri jobanyń bireýi bar. Bul Aqtóbedegi ferroqorytpa zaýytynyń 4-shi tsehy. Onyń quny 840 mln. AQSh dollaryna baǵalanyp otyr.