ÚIID alǵashqy besjyldyǵynda Táýelsizdik alǵannan bergi barlyq ınvestıtsııadan 2,5 ese kóp qarajat tartyldy

ASTANA.QazAqparat - Údemeli ındýstrııalyq-ınnovatsııalyq damý memlekettik baǵdarlamasynyń alǵashqy besjyldyǵynda óńdeý ónerkásibine elimiz Táýelsizdigin alǵannan bergi barlyq jyldarda tartylǵan sheteldik qarajattan 2,5 ese kóp ınvestıtsııa tartyldy. Bul týraly búgin Ortalyq kommýnıkatsııalar qyzıetinde ótken brıfıngte «Qazaqstandyq ındýstrııany damytý ınstıtýty» AQ basqarma tóraǵasy Aıdyn Qulseıitov aıtty.

«Búgin ǵana, dálirek aıtsaq, túske deıin biz QR Prezıdentiniń ındýstrıalızatsııa boıynsha birqatar jetekshi sarapshylarmen kezdesýin uıymdastyrdyq. Onda alǵashqy besjyldyqtyń belgili bir salalary boıynsha qorytyndylary jarııalandy. Aıta keteıik, besjyldyq áli aıaqtalǵan joq, degenmen keıbir aralyq nátıjeler shyǵarylyp jatyr. Máselen, óńdeý óndirisiniń eńbek ónimdiligi osy 5 jylda 60%-ǵa artyp otyr. Atalǵan ýaqyt aralyǵynda, ıaǵnı 4,5 jylda osy salaǵa tartylǵan barlyq sheteldik ınvesıtsııanyń 70 paıyzy salyndy. ıAǵnı bul táýelsizdik alǵannan osy besjyldyq bastalǵanǵa deıingi barlyq ınvestıtsııadan 2,5 ese kóp degen sóz», - dedi ol.

Onyń aıtýynsha, memleket tarapynan qabyldanǵan sharalardyń arqasynda óńdeý salasy búginde sheteldik ınvestıtsııalar eń kóp salynatyn salaǵa aınalyp otyr.