Ýhan qalasynda qaıtadan lokdaýn jarııalandy
Tszıansıa aýdanynyń turǵyndaryna aldaǵy úsh kún boıy úıden shyqpaý jóninde buıryq berildi.
Eki kún buryn 12 mln halqy bar Ýhan qalasynda turǵyndardy ádettegi testileý kezinde eki asımptomatıkalyq jaǵdaı anyqtalǵan.
Sodan keıin osy eki adamnyń baılanys tizbegi boıynan aýrý belgileri joq taǵy eki tasymaldaýshy agyqtalǵan soń, bılik dereý karantın týraly qaýly shyǵardy.
Qytaı pandemııa bastalǵannan beri jappaı testileý, oqshaýlaý jáne aýrý juqtyrǵandardy qatań oqshaýlaýdy qamtıtyn COVID-ke qarsy qatań sharalar saıasatyn júrgizip keledi.
Nátıjesinde, Qytaıdyń resmı statıstıkasy elde álemniń kóptegen elderine qaraǵanda kovıdten «jan basyna shaqqandaǵy» ólim kórsetkishi az bolǵanyn tirkedi, alaıda qalalar men aımaqtardyń jıi jabylýy adamdar, bıznes jáne tutastaı alǵanda ekonomıkaǵa aýyr tıdi.
Qatań karantınge jabylǵan alǵashqy qala Ýhan boldy. Onda jańa koronavırýs 2020 jyldyń basynda anyqtaldy.
Sol kezde álem Qytaı bıliginiń bul sharasyn túsinbeı, tańqalǵan, biraq kóp uzamaı kóptegen qalalar men elder dál osyndaı sharalar qoldanýǵa májbúr boldy.