Ýhan bazarlarynyń birinen tyrysqaq vıbrıony tabyldy
09:44, 15 Shilde 2022
BEIJІŃ. QazAqparat - Ýhan qalasyndaǵy (Hýbeı provıntsııasy, Ortalyq Qytaı) Baıshachjoý bazaryndaǵy ózen ónimderin satý bólimderinen tyrysqaq vıbrıony tabyldy. Bul týraly jergilikti aýrýlardy baqylaý jáne aldyn alý ortalyǵynyń málimdemesine silteme jasap The Paper basylymy jazdy, dep habarlaıdy QazAqparat tilshisi.
Basylymnyń habarlaýynsha, osy sársenbide Ýhandaǵy Baıshachjoý bazaryndaǵy ózen ónimderin satý bóliminde ishek ınfektsııasynyń qozdyrǵyshtaryna synama alý barysynda tyrysqaq vıbrıony anyqtalǵan. Baıshajoý bazarynyń bólimderi ýaqytsha jabyldy.
Anyqtalǵan tyrysqaq vıbrıonynan bazar qyzmetkerlerine ınfektsııa taramaǵan. Bul vıbrıonnyń synamasy jaqynda tirkelgen Ýhan ýnıversıteti stýdentiniń tyrysqaq aýrýymen baılanysty emes ekendigi atap ótildi.
Buǵan deıin habarlaǵanymyzdaı, osy dúısenbide Qytaıdyń Hýbeı provıntsııasynyń Ýhan qalasynda adamnyń tyrysqaq aýrýyn juqtyrǵan alǵashqy jaǵdaıy anyqtaldy. Taǵy juqtyrǵandar týraly aqparat joq.
Foto: st1.uvnimg.com