Úgit-nasıhat naýqany – mańyzdy kezeń
«Qıyndyqty eńserip, jeńiske birge jetemiz!» atty uranmen úgit-nasıhat jumystaryn júrgizip jatqan «Nur Otan» partııasy mańyzdy kezeńde óte belsendi jumys atqaryp jatyr. Osy oraıda 19 jeltoqsan oblystyq máslıhat depýtatyna úmitker Kıikbaı Eshmanov pen Aqtaý qalalyq máslıhat depýtatyna úmitkerler Ergen Syrajanov jáne Muratbek Dosjanov saılaýshylardyń úılerine arnaıy bardy.
«Partııanyń saılaýaldy baǵdarlamasy bıylǵy naýqanǵa oraı árbir óńirge jeke dara ázirlendi. Baǵdarlama jasaqtalmas buryn osyǵan deıin uıymdastyrylǵan praımerızde halyqtan túsken ótinishter eskerildi, oǵan qosa jergilikti ákimdikpen jıyndar uıymdastyrylyp, óńirde damytýdy qajet etetin salalalar boıynsha jumystar qamtyldy. Bir sózben aıtqanda baǵdarlama saraptalyp, talqylanyp, damý, órleý qaǵıdasyn ustanady. Barlyq saladaǵy jetistikterimizdi ár qazaqstandyqpen kórgimiz keledi» dedi kandıdattar turǵyndarmen kezdesý barysynda.
Úmitkerler kanvassıng barysynda «Aqtaý qalasynyń qurmetti azamaty» atanǵan «Nur Otan» partııasy Aqtaý qalalyq fılıaly janyndaǵy ardagerler tobynyń jetekshisi Erimbet Ádiluly Jańbyrovtyń úıine arnaıy baryp, eńbegi úshin alǵan marapatymen quttyqtap, partııanyń ıgi jumystarymen tanystyrdy. Halyqtyń áleýmettik jaǵdaıyn jaqsartýǵa arnalǵan basty baǵyttaryna toqtaldy. «Nur Otan» partııasy eń aldymen memlekettiń áleýmettik kepildikterin nyǵaıtýǵa kúsh salatynyn, ınflıatsııa deńgeıin eskere otyryp, áleýmettik tólemderdi ındeksteý júrgizetinin atap ótti. Áleýmettik kómek kórsetýdiń tásilderin birizdendirýge, onyń ashyqtyǵyn qamtamasyz etýge múmkindik beretin biryńǵaı áleýmettik kodeksti ázirleý josparda bar ekenin de baıandady.
Kezdesý sońynda depýtattyq mandatqa úmitkerler kópke úlgi bolar «Qurmetti azamattyń» batasyn alyp, otbasymen saılaýda belsendilik tanytýǵa shaqyrdy.
«Nur Otan» partııasy Mańǵystaý oblysy Aqtaý qalalyq Saılaý qory qarajatynan tólendi