UFC Shavkat Rahmonov týraly fılm túsirdi

<p>ASTANA. KAZINFORM &ndash; UFC-diń YouTube arnasynda qazaqstandyq Shavkat Rahmonov (18-0) pen ırlandııalyq Ien Gerrı (15-0) arasynda ótetin jekpe-jekke arnalǵan fılm jaryq kórdi. Bul týraly<strong>&nbsp;</strong><a href="https://www.sports.kz/news/ufc-snyal-film-pro-shavkata-rahmonova-video" target="_blank" rel="noopener">Sports.kz</a> jazdy.</p>

Beınejazbada eki sportshynyń jattyǵýy men jekpe-jek aldyndaǵy pikiri kórsetilgen.

Eske sala keteıik, Shavkat Rahmonov pen Ien Gerrı arasyndaǵy jekpe-jek 7 jeltoqsanda Las-Vegastaǵy (AQSh, Nevada shtaty) UFC 310 týrnırinde ótedi. Bastapqyda Rahmonov UFC jartylaı orta salmaqtaǵy chempıondyq belbeýi úshin amerıkalyq Belal Muhammedpen (24-3) kezdesýi kerek edi. Alaıda Muhammed densaýlyǵyna baılanysty jekpe-jekten bas tartty. Endi Rahmonov Gerrıdi jeńgen jaǵdaıda, Muhammedpen tıtýldyq kezdesý ótkize alady.

Jeńilmegen qazaqstandyq faıter Shavkat Rahmonovtyń (18-0) Dar Pro Team komandasy Instagram-daǵy resmı akkaýntynda sportshynyń chempıondyq jekpe-jegi týraly málimdeme jasaǵan edi.

UFC 310 týrnırindegi Shavkat Rahmonovtyń qarsylasy belgili bolǵanyn jazǵan bolatynbyz.