UFC: Shavkat Rahmonov pen Belal Mýhammad arasyndaǵy jekpe-jek ótpeı qalýy múmkin

<p>ASTANA. KAZINFORM &ndash; Qazaqstandyq faıter Shavkat Rahmonovpen (18-0) amerıkalyq sportshy Belal Mýhammad (24-3) arasyndaǵy chempıondyq jekpe-jek ótpeı qalýy múmkin.</p>

Mmanews.com saıtynyń habarlaýynsha, orta salmaqtaǵy UFC chempıony Belal Mýhammad 7 jeltoqsan kúni AQSh-tyń Las-Vegas qalasynda josparlanǵan UFC-310 týrnırine qatysa almaıdy. 

Italııalyq jýrnalıst Al Zullino áleýmettik jelide birneshe derekkóz Belal Mýhammadtyń qazaqstandyq Shavkat Rahmonovqa qarsy tıtýldyq jekpe-jekke shyǵa almaıtynyn rastaǵanyn, sondaı-aq Shavkatqa basqa qarsylas qarastyryp jatqanyn atap ótti. 

Aıta keteıik, buǵan deıin jeńilmegen qazaqstandyq faıter Shavkat Rahmonov Las-Vegasta chempıondyq tıtýl úshin jekpe-jek ótkizetinin jazǵan edik. 

Esterińizge salsaq, Rahmonov keıingi aıqasyn byltyr jeltoqsan aıynda amerıkalyq Stıven Tompsonmen (17-7-1) ótkizip, qarsylasyn ekinshi raýndta qylqyndyrý ádisimen jeńgen edi.