UFC 310 týrnırindegi Shavkat Rahmonovtyń qarsylasy belgili boldy

<p>ASTANA. KAZINFORM - Dar Pro Team komandasy jeńilip kórmegen qazaqstandyq UFC jaýyngeri Shavkat Rahmonovtyń (18-0) jeltoqsan aıyndaǵy qarsylasyn atady. Bul týraly <a href="https://www.sports.kz/news/obyyavlen-titulnyiy-boy-shavkata-rahmonova-v-glavnom-sobyitii-turnira-ufc-310" target="_blank" rel="noopener">Sports.kz</a> jazdy.</p>

Atalǵan komandanyń áleýmettik jelidegi paraqshasynda habarlanǵandaı, 8 jeltoqsanda Shavkat jeńilip kórmegen ırlandııalyq Ien Gerrımen (15-0) jartylaı orta salmaqtaǵy «ýaqytsha» UFC belbeýi úshin kim myqtyny anyqtaıdy. Jekpe-jek UFC 310 negizgi oqıǵasy aıasynda Las-Vegasta (Nevada, AQSh) ótedi.

Aıta keteıik, aldymen Shavkat Rahmonov bas tıtýl úshin onyń qazirgi ıegeri amerıkalyq Belal Muhammedpen jekpe-jek ótkizýi kerek bolǵan. Biraq amerıkalyq aıaq súıegindegi jaraqatyna baılanysty jekpe-jekten bas tartty.

Belaldyń ornyna burynǵy dıvızıon chempıony Kamarý Ýsman qarastyrylǵanymen, az ýaqyt qalǵanda aıtylǵan usynystan ol da bas tartty.