ÚEU ókilderi fandraızıng negizderi jaıynda bilimderin jetildirýde

ALMATY. Naýryzdyń 10-y. QazAqparat /Ádilet Musahaev/ - Almatyda qazaqstandyq jáne halyqaralyq uıymdardan qarjylaı qoldaý izdestirý jolynda jergilikti ÚEU-dyń áleýetin joǵarylatý maqsatyna arnalǵan «ÚEU úshin fandraızıng negizderi» atty semınar-trenıng ótip jatyr,

dep habarlaıdy QazAqparat.

Qazaqstandaǵy ekologııalyq baǵdarlamalardy iske asyrýdaǵy qoǵamnyń atsalysýyn joǵarylatý baǵytyndaǵy jobany Eýropalyq odaqtyń qarjylandyrýymen arnaıy mamandar ótkizýde. Uıymdastyrýshylardyń pikirinshe, ÚEU-dyń jetistigi tartylǵan qarjylandyrý mólsherine, turaqtylyq pen olardyń qarjylaı kómek kórsetetin áriptesteriniń senimdiligine baılanysty.

Shara barysynda fandraızıng negizderi jaıynda málimetter berilip, donorlyq uıymdardyń negizgi talaptaryn saqtaı otyryp qarjylaı qarym-qatynas jasaý týraly sóz qozǵalyp, qatysýshylar óz oılaryn ortaǵa saldy.

Qazaqstandaǵy tabıǵı ortany qorǵaý baǵdarlamalaryn iske asyrýdaǵy qoǵamnyń birlese atsalysý áreketin nyǵaıtýǵa arnalǵan eki kúndik semınar IBPP TASIS jobasy aıasynda ótkizilýde. Baǵdarlamaǵa Eýroodaq 152 444 eýro bólgen, EcoIDEA qoǵamdyq qory men Milieukontakt International (Nıderlandııa) halyqaralyq uıym arqyly júzege asyrylýda.

Semınarǵa Astana, Almaty jáne Aqtóbe qalalarynyń ÚEU ókilderi qatysýda.