ÚEU-lardyń beıresmı konferentsııasynda Qazaqstanda Azamattyq qoǵamdy damytýdyń 2012-2015 jyldarǵa arnalǵan tujyrymdamasyn ázirleý máselesi talqylanady
Bul týraly konferentsııa barysynda jýrnalısterge bergen suhbatynda Qazaqstannyń Azamattyq alıansynyń prezıdenti, Májilis depýtaty Aıgúl Soloveva málim etti.
Azamattyq qoǵamdy damytýdyń qazirgi qoldanystaǵy Tujyrymdamasy 2005-shi jyly ІІ-shi Azamattyq forým barysynda qabyldanyp, ol 2011 jylǵa deıingi merzimge baǵdarlandy.
A.Solovevanyń aıtýynsha, Tujyrymdama úsh baǵytty qamtydy: azamattyq qoǵamnyń qalyptasýy, bılikpen baılanys jáne ÚEU-nyń sandyq jáne sapalyq damýy.
«Bul basymdyqtarǵa tolyqtaı qol jetkizdik dep aıtýǵa bolady. Endigi maqsat-mindetimiz sapalyq quramdastardy damytý. Sebebi biz, qarapaıym halyqtyń problemalaryn úkimetke túsinikti ári nátıjeli bolatyndaı etip jetkizetin qoǵamnyń eń belsendi bólshegimiz», - deıdi ol.
Úsh kún boıy 200-ge jýyq úkimettik emes uıymdar 2012-2015 jyldarǵa baǵdarlanbaq Azamattyq qoǵamdy damytý tujyrymdamasyna engizilýi tıis máselelerdi talqylap, óz usynystaryn bildiretin bolady. Jańa tujyrymdamanyń maqsaty Qazaqstandaǵy ÚEU-lardyń jumysyn jańa halyqaralyq deńgeıge kóterýge negizdelýi tıis. Sońǵy 10 jylda respýblıkada ÚEU-lar qarqyndy damyp, ekonomıkanyń barlyq salasyn qamtydy. Olardy endi qoǵammen tyǵyz yqpaladasa otyryp jumys isteýge baǵyttaý úshin, ÚEU-lardy aýyl, qala, oblys deńgeıindegi áleýmettik nysandarda mysalǵa, mektepterde ashý usynylmaq.
«Sonymen birge», - deıdi Tujyrymdama jobasyn ázirleýshi jumys tobynyń múshesi, «Jambyl jastary» qoǵamdyq birlestiginiń jetekshisi Andreı Emelın: «Qujatqa ár ÚEU-nyń turaqty qatysýshysy men qoldaýshysy bolatyndaı «múshelik» máselesin engizý kerek. Sondaı-aq, qazir Qazaqstanda «eriktiler» mádenıeti qalyptasyp, damyp keledi. Biraq onyń buqaralyq mańyzy áli de az. Bul, jastarǵa qaıyrymdylyq jáne basqa da sharalarǵa qoǵamdyq bastamalarda qatysyp, óz-ózderin kórsetýge múmkindik beretin jaqsy úrdis. Kelesi, másele - fılantropııada. Bizde bıznestiń áleýmettik jaýapkershiligi jaqsy damyǵan. Bıznes áleýmettik jobalardy qoldaýǵa daıyn, biraq olardy senip tapsyratyn uıymdar joq. Álemde bul máselelermen qoǵamdyq uıymdar aınalysady. Munda barynsha ashyq jumys isteı alý mańyzdy. Sondyqtan ÚEU-lar óz-ózderin jetildirý kerek. Sebebi, bul da naryq, bıznespen, bılikpen baılanys», - deıdi ol.
A.Emelın atap kórsetkendeı, Qazaqstanda ÚEU-lardyń jumysyn jańa sapalyq deńgeıge kóterý úshin, sondaı-aq ÚEU-lardyń baǵyttary boıynsha jelilerdi damytý qajet. Mysalǵa, eriktiler, áıelder, balalar máselesimen bolmasa, qoǵamdyq monıtorıngpen aınalysatyn uıymdardy iriktep, bir arnaǵa biriktirý. Sonymen birge, biryńǵaı ınternet resýrsty quryp, onda barlyq úkimettik emes uıymdardyń atqarǵan jumystarynyń esebin ornalastyrý, pikirlermen jáne aqparattarmen almasý.