ÚEU-lar qoǵamdyq keńester otyrystaryna nege barmaıdy
Bul týraly búgin Úkimet otyrysynda Din isteri jáne azamattyq qoǵam mınıstri Nurlan Ermekbaev málim etti.
«Sheshimder qabyldaý úderisinde úkimettik emes uıymdardy tartý tıisti deńgeıde atqarylyp otyrǵan joq. Qoǵamdyq keńesterde saılaý júrgizilgen kezde dıalogtyń tapshylyǵy anyq baıqaldy. ÚEU-lar baǵalaýy boıynsha, belsendi qoǵamdyq uıymdar men BAQ-tyń, jastardyń jetkiliksiz deńgeıde qamtylýy qoǵamdyq keńester otyrystarynda halyqty tolǵandyratyn máselelerdiń tıisti jaǵdaıda kóterilmeýine alyp kelýde», - dedi Ermekbaev.
Onyń sózine qaraǵanda, úkimettik emes uıymdar arasynda júrgizilgen saýalnama nátıjesinde qabyldanatyn zańnamalyq sharalar boıynsha aqparattyq túsindirý jumystyń jetkiliksiz ekeni baıqaldy. Bul jaıynda árbir ekinshi ÚEU málim etken kórinedi.