UEM: 2025 jylǵa deıingi Strategııalyq jospar – Ult josparynyń bir baǵyty
Mınıstrdiń sózine qaraǵanda, Strategııalyq jospar - «Ult josparyn» oryndaýdyń bir baǵyty retinde qarastyrylyp otyr.
«Álbette, qujattyń strategııalyq mazmuny óte joǵary. Dese de elimizdegi negizgi uzaq merzimdi qujat - «Qazaqstan-2050» ekenin atap ótkim keledi. ıAǵnı, biz ol qujatta qarastyrylǵan maqsattan bas tartyp otyrǵan joqpyz. 2050 jylǵa deıingi negizgi maqsat-múddelerdi oryndaý úshin qysqa merzimdi maqsattardy aıqyndaıtyn osyndaı strategııalyq josparlar kerek. Sebebi, álemdegi makroekonomıkalyq jáne geosaıası saıasat jyldam ózgerip jatyr», - dedi QR UEM mınıstri.
Tımýr Súleımenovtyń aıtýynsha, ár memleket óz áleýetine qaraı ár túrli basymdyqtarǵa mańyz berip otyr.
«Qazaqstan Respýblıkasynyń 2025 jylǵa deıingi strategııalyq damý jospary» - «Ult josparyn» oryndaýdyń bir baǵyty. 2020 jylǵa deıingi josparǵa toqtalǵym kelmeıdi. Sebebi, onyń negizgi mazmuny daǵdarysqa qarsy sıpattarǵa sáıkes keledi. Ol josparda negizge alǵan barlyq áleýmettik jáne ekonomıkalyq tapsyrmalar oryndaldy. Sondyqtan biz jańa jospar týraly aıtyp otyrmyz», - deıdi ol.
Mınıstrdiń aıtýynsha, 2025 jylǵa deıingi strategııalyq damý josparyn qurýda kóptegen syrtqy jáne ishki faktorlar negizge alynǵan.
«Eń aldymen álemdegi eldermen tereń ıntegratsııaǵa túsken el ekenimizdi bilýimiz kerek. Álemdik trendterdi eskermeý múmkin emes. Sondyqtan biz jan-jaqty saladaǵy 100 jahandyq trendti taldadyq. Birneshe stsenarıı qurdyq. ıAǵnı, yqtımal jaǵdaılarǵa arnalǵan stsenarıı bar», - deıdi Tımýr Súleımenov.
Onyń aıtýynsha, qujatta 7 reforma boıynsha, atap aıtqanda adam kapıtalyn kóterý, ekonomıka salalarynyń ónimdiligin arttyrý, ekonomıkadaǵy memleket rólin tómendetý jáne bıznes salasyndaǵy kedergilerdi joıý, jaýapty ultty qalyptastyrý, ınvestıtsııalyq klımatty jaqsartý, JІÓ-di arttyrý, memlekettik jáne jergilikti atqarý organdarynyń belsendiligin arttyrý úshin jumys júrgizý kózdelgen.