Ýelste ortaǵasyrlyq qupııa qorym tabyldy
6-7 ǵasyrlardaǵy jetpiske jýyq jerleý orny ishinde ázirge tek 18 tas mola ǵana tolyq zerttelgen.
Qańqalar jaqsy saqtalǵan, olardyń keıbiri erekshe kúıde jerlengen.
Zırattan tabylǵan qarý men basqa buıymdar bir qaraǵanda sol kezeń men jerleý sıpatyna saı kelmeıtin tárizdi. Osy másele arheologtarda kóptegen suraq týdyrdy.
Kóne beıit Ýels astanasy Kardıff áýejaıynyń ushý-qoný jolaǵy janynda, Fonmon qamalyna jaqyn tustaǵy eshkim mán bermeımin jerde ornalasqan.
Biraq topyraqtyń betki qabatyn muqııat alyp, kóne molalarǵa jetý úshin arheologtardyń eki jyl ýaqyty ketken.
Sebebi jumystar tek jaz mezgilinde, jyly kezde júrgizilýi qajet boldy.
Redıng ýnıversıtetinde ejelgi qańqalardyń erekshelikterin zertteıtin ǵalym Sammer Kortstyń sózinshe, 1500 jyldyq adam qańqasy tańǵalarlyqtaı jaqsy saqtalǵan.
Biraq eń túsiniksizi — tabylǵan buıymdarǵa nazar aýdarar bolsaq, munda jerlengen adamdardy qoǵamnyń qarapaıym ókilderi bolǵan dep aıtý qıyn.
Máselen, molalardyń birinen saýyttyń bir bóligi tabyldy.
Shynynyń qalyńdyǵy men ýaqytyn eskersek ol bul jerge kontıngentten, qazirgi frantsýzdyq Bordo provıntsııasynan ákelgen tárizdi.
Teńizdiń ar jaǵyndaǵy turǵyndarmen saýda-sattyqtyń bolǵanyn dáleldeıtin basqa da zattar, onyń ishinde Afrıka kontıngentiniń soltústiginen ákelinýi múmkin keramıka bólikteri tabyldy.
Qatardaǵy adamdarda mundaı qymbat ári sapaly zattar bolýy múmkin emes.
«Bul adamdar sapaly ımporttyq taýarlarǵa qol jetkize alǵanyn, ony saýda joldary arqyly áldebir baılar jetkizip otyrǵanyn dáleldeıdi», — deıdi Kardıff ýnıversıtetiniń ǵalymy Tıýder Deıvıs.
Kómilgen zattardyń naqty qaı ýaqytqa jatatynyn anyqtaý úshin DNQ taldaýyn jasaý qajet. Ol qupııany ashýǵa kómektesip qalar.