Ýels hanshaıymy Keıt Mıddltonǵa qaterli isik dıagnozy qoıyldy

<p>LONDON. KAZINFORM -&nbsp; Ýels hanshaıymy Keıt Mıddltonǵa qaterli isik &nbsp;dıagnozy qoıyldy. Ol qazir hımıoterapııadan ótip jatyr. Bul týraly Kensıngton saraıy jarııalaǵan resmı málimdemede aıtylǵan.</p>

Qaterli isik qańtarda josparlanǵan otadan keıin jasalǵan synaq nátıjesinde anyqtaldy.

«Qańtar aıynda Londonda ishime kúrdeli ota jasaldy. Ol kezde mende onkologııa joq dep eseptelgen bolatyn. Operatsııa sátti aıaqtaldy. Alaıda operatsııadan keıingi synaqtar qaterli isik bar ekenin kórsetti. Sondyqtan meniń medıtsınalyq komandam profılaktıkalyq hımıoterapııa kýrsynan ótýge keńes berdi jáne men qazir bul emdeý protsesiniń bastapqy kezeńindemin», - dedi Ýels hanshaıymy.

Keıt dıagnozyn bilgennen keıin úzilis alǵanyn aıtty. Sebebi ol bolyp jatqan jaıtty saralap, dıagnozy týraly balalaryna jetkizýi kerek bolǵan. Hanshaıym tolyq saýyǵyp ketkennen keıin koroldik mindetterine oralýdy josparlap otyr.