UEFA «Lıverpýl» komandasy jankúıerlerine ótemaqy tóleıtin boldy

ASTANA. QazAqparat - UEFA resmı saıtynda 2022 jylǵy Chempıondar lıgasynyń fınalyndaǵy qolaısyzdyqtar úshin Anglııanyń «Lıverpýl» komandasynyń jankúıerlerine ótemaqy tóleý týraly aqparat jarııalandy, dep habarlaıdy QazAqparat tilshisi.

Fınaldyq saıys 2022 jyldyń 28 mamyrynda Frantsııa astanasy Parıj qalasyndaǵy «Stad de Frans» stadıonynda ótkizildi. Anglııalyq klýb Ispanııanyń «Real Madrıd» klýbymen sheberlik baıqasty.

Oıyn bastalar aldynda jankúıerler tarapynan tártipsizdik tirkeldi. Osyǵan baılanysty kezdesý 36 mınýtqa keshiktirildi. UEFA men Frantsııanyń ishki ister mınıstri oǵan sebepshi retinde «Lıverpýl» jankúıerlerin aıyptady.

Keıinnen atalǵan uıym oqıǵaǵa baılanysty uıymnyń ózi jaýapty ekenin atap ótti.

7 naýryzda UEFA «Lıverpýldiń» 19 618 jankúıerine ótemaqy tóleıtinin málimdedi. Ótemaqyny jergilikti ýaqyt boıynsha saǵat 21:00-ge deıin stadıonǵa kire almaǵan jáne «Stad de Fransqa» múlde jete almaǵandar alady. Sondaı-aq, oǵan «Real Madrıd» jankúıerleri men arenaǵa kirýde qıyndyqqa tap bolǵan beıtarap jankúıerler de qol jetkizýine múmkindigi bar.

Eske salsaq, Chempıondar lıgasy 1/8 fınalynda 7 naýryzdan 8-ne qaraǵan túni qarymta eki oıyn ótkiziledi.