UEFA Konferentsııa lıgasy: «Astana» alǵashqy jeńisine qol jetkizdi

<p>ASTANA. KAZINFORM - Elordalyq &laquo;Astana&raquo; UEFA Konferentsııa lıgasy jalpy kezeńindegi alǵashqy oıynynda Serbııanyń TSTs komandasymen kezdesti.</p>

Alǵashqy mınýttan komandalar jyldam gol soǵý múmkindigin izdegen edi. Dese de, bir-birine múmkindik bergen joq. Oıynnyń 15-mınýtynda elordalyq klýbtan Kıpras Kajýkolovas qarsylastar qaqpasynan sańylaý taýyp ketti.

Budan keıin serbııalyq fýtbolshylar tarazy basyn teńestirýge umtyldy. Soǵan qaramastan birinshi kezeńde tablodaǵy esep ózgerissiz qaldy.

Ekinshi kezeńde TSTs fýtbolshylary basymdyqty arttyra tústi. Dese de, olar óz múmkindigin múlt jiberip alyp jatty.

Osylaısha «Astana» qarsylasynan 1:0 esebimen basym túsip, atalǵan týrnırdegi alǵashqy jeńisine qol jetkizdi.

Endi elordalyq ujym óz alańynda 24 qazanda syrt alańda «Nıý-Seınts» (Ýels) komandasymen oınaıdy.

Odan keıin 7 qarashada «Pafos» (Kıpr), 28 qarashada «Vıtorııa» (Portýgalııa), 12 jeltoqsanda «Chelsı» (Anglııa), 19 jeltoqsanda APOEL (Kıpr) klýbtarymen kezdesedi.