ÝEFA Chempıondar lıgasy, Eýropa lıgasynyń oıyndary otandyq telearnalardan kórsetiledi
«Qazaqstan» teleradıokorporatsııasy fýtboldan UEFA EURO 2020 Eýropa chempıonatynyń kórsetiliminen keıin fýtbol jankúıerlerin taǵy da qýantpaq. Bul joly korporatsııa ÝEFA Chempıondar lıgasy, Eýropa lıgasy jáne Konferentsııa lıgasynyń oıyndaryn Qazaqstan Respýblıkasynyń aýmaǵynda kórsetý quqyǵyna ıe boldy. Qazaqstan jáne Qazsport telearnalary Eýropanyń eń úzdik klýbtarynyń 2021/2022 maýsymyndaǵy tartysty matchtaryn kórsetedi»,- delingen koroporatsııa aqparatynda.
Bıyl ÝEFA-nyń jańa klýbtyq týrnıri - Konferentsııa lıgasy quryldy. Oǵan Almatynyń «Qaırat» klýby qatysady. «Qaırat» óz tarıhynda Eýrokýboktyń toptyq kezeńine alǵashqy ret shyǵyp otyr. Qazaqstandyq komanda H tobynda Shveıtsarııanyń «Bazel», Ázirbaıjannyń «Qarabah» jáne Kıprdyń «Omonııa» komandalarymen pleı-off joldamasy úshin synǵa túsedi.