UEFA Chempıondar lıgasy 1/8 fınalynda alǵashqy eki oıyn ótkiziledi
Eki oıynnyń birinde Italııanyń «Mılan» jáne Anglııanyń «Tottenhem Hotspýrs» komandalary sheberlik baıqasady.
Kezdesý elorda ýaqytymen 1.50-de bastalyp, «Qazaqstan» telearnasynan tikeleı efırde kórsetiledi. Eki komanda buǵan deıin alty márte kezdesti. Onyń ekeýinde ıtalııalyq fýtbolshylar basym tússe, qalǵanynda aǵylshyndar jeńdi.
Sondaı-aq, taǵy bir kezdesýde Frantsııanyń «Parı Sen-Jermen» komandasy óz alańynda Germanııanyń «Bavarııasyn» qabyldaıdy.
Kezdesý elorda ýaqytymen 1.50-de bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 12 márte kezdesti. Onyń altaýynda frantsııalyq klýbtyń mereıi ústem bolsa, qalǵanynda germanııalyq klýb jeńiske jetti.
Eske salsaq, budan buryn Madrıdtik «Real» klýbtyq álem chempıonatynyń jeńimpazy atandy.