Údemeli ındýstrııalyq-ınnovatsııalyq damý baǵdarlamasyn iske asyrý barysy baıandalady

ASTANA. 1 maýsym. QazAqparat - 4 maýsym, dúısenbi kúni, Májiliste «Qazaqstan Respýblıkasyn údemeli ındýstrııalyq-ınnovatsııalyq damytý jónindegi 2010-2014 jyldarǵa arnalǵan memlekettik baǵdarlamasyn iske asyrý barysy  týraly» Úkimet saǵaty ótetini josparlanyp otyr.

Bul jóninde Májilistiń baspasóz qyzmeti habarlady.

Osy másele boıynsha depýtattar aldynda QR Indýstrııa jáne jańa tehnologııalar mınıstri Áset Isekeshev baıandama jasaıdy.

Aıta ketý kerek, atalǵan baǵdarlama Memleket basshysynyń «Nur Otan» halyqtyq-demokratııalyq partııasynyń 2009 jylǵy 15 mamyrdaǵy kezekten tys HІІ sezinde bergen tapsyrmasyn, Memleket basshysynyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Qazaqstan halqyna Joldaýyn oryndaý úshin, sondaı-aq Qazaqstannyń 2030 jylǵa deıingi damý strategııasyn iske asyrýdyń ekinshi kezeńi bolyp tabylatyn Qazaqstan Respýblıkasynyń 2020 jylǵa deıingi strategııalyq damý josparynyń túıindi baǵyttaryna sáıkes ázirlendi.

Baǵdarlama ekonomıkany ártaraptandyrý jáne onyń básekege qabilettiligin arttyrý arqyly ornyqty jáne teńgerimdi ósýin qamtamasyz etýge baǵyttalǵan.

Úkimet saǵatynda atalǵan taqyryp tóńireginde tolyqqandy málimet beriledi dep kútilýde.

Sonymen qatar baıandamashy osy másele boıynsha depýtattardyń suraqtaryna jaýap beredi.