Údemeli ındýstrııaldy-ınnovatsııalyq damý baǵdarlamasy aıasynda júzege asyrylyp otyrǵan ınvestıtsııalyq jobalardy basqarý standarttaryn jetildirý qajet - «Nur Otan» partııasy

STANA. Sáýirdiń 23-i. QazAqparat - «Nur Otan» halyqtyq demokratııalyq partııasy Úkimetpen birlesip, Údemeli ındýstrııaldy-ınnovatsııalyq damýdyń memlekettik baǵdarlamasy aıasynda júzege asyrylyp otyrǵan ınvestıtsııalyq jobalardy basqarý standarttaryn jetildiretin bolady. Osy másele búgin partııanyń Ortalyq Apparatynda (OA) ótken respýblıkalyq dóńgelek ústelde talqylandy.

«Qazirgi qoldanystaǵy zańnamalyq baza, negizinen joba aldy qujattardyń, atap aıtqanda, tehnıkalyq-ekonomıkalyq negizdeme, jobalyq-smetalyq qujatnama, bıznes-jobalar men basqa da tehnıkalyq qujattardyń talaptaryn retteıdi. Bir mezgilde bizde jobalardy basqarý jáne olardy ilesip alyp júrý boıynsha standarttar joq», - dep atap ótti «Nur Otan» HDP OA basshysynyń orynbasary Rasýl Orazgulov.

R.Orazǵulov, jobalaý menedjmenti normalarynyń jetik damymaýy jáne olarǵa biryńǵaı talaptardyń bolmaýy, ótken jyly júzege asyrylýy tıis bolǵan birqatar jobalarǵa kedergi keltirgen. Olar tıimsiz, ári tolyq emes kólemde atqaryldy. «Sondyqtan, qolǵa alynǵan jobalardyń tabysty bolýy, qarjylandyrýǵa ǵana emes, sondaı-aq tıimdi ári sapaly menedjmetke tikeleı baılanysty», - dedi ol.

R.Orazgulovty bul máselede, Indýstrııa jáne jańa tehnologııalar vıtse-mınıstri Albert Raý da qoldady. Ol, jobalardy basqarý - kezeń-kezeńimen oryndalýy tıis 300-den astam is-sharadan turatyn - óte kúrdeli jáne kópjaqty úrdis ekendigin atap kórsetti.

Otyrys sońynda tıisti quzyrly organdarǵa jiberý úshin usynymdar ázirlendi.