Ýchaskelik polıtsııa qyzmetkerleriniń mártebesin kóterý qajet - Saǵyntaev

ALMATY. QazAqparat - Almaty ákimi Baqytjan Saǵyntaev qalalyq Polıtsııa departamentiniń basshylyǵymen onlaın-keńes barysynda jergilikti polıtsııa qyzmeti men qoǵamdyq qaýipsizdikti qamtamasyz etý boıynsha ýchaskelik ınspektorlardyń jumysyn jandandyrý máselelerin talqylady, dep habarlaıdy QazAqparat tilshisi.

Keńes barysynda polıtsııanyń ýchaskelik ınspektorlarynyń jumys nátıjeleri tyńdaldy. Qalada 491 ýchaskelik ınspektor men olardyń 102 ýchaskelik kómekshisi qyzmet etedi. 102 ýchaskelik pýnkt jumys istep tur. Byltyr Almaty qalasynyń ákimi B.Saǵyntaevtyń tapsyrmasy boıynsha krımınogendi aımaqtarǵa 37 modýldik polıtsııa beketteri ornatyldy. Olarǵa jyl basynan beri 40 myńǵa jýyq ótinish túsken.

Bıyl ýchaskelik ınspektorlar 5 myńnan astam qylmysty ashyp, qala turǵyndarynyń 370 myńnan astam shaǵymy men aryzyn qarady. Ákimshilik jaýapkershilikke 61,6 myń azamat tartyldy.

Almaty ákimi B. Saǵyntaev quqyq buzýshylyqty boldyrmaý, onyń ishinde turmystyq sıpattaǵy quqyq buzýshylyqtardyń aldyn alý boıynsha profılaktıkalyq jumystardy kúsheıtýdi tapsyrdy.

Keńes barysynda ýchaskelik polıtsııa qyzmetiniń materıaldyq-tehnıkalyq bazasyn nyǵaıtý, ýchaskelik polıtsııa qyzmetkerleriniń mártebesin kóterý máseleleri qaraldy. Sondyqtan damýdyń keshendi baǵdarlamasyn qabyldaý qajet.

Qoǵamdyq qaýipsizdikti qamtamasyz etý sharalaryn kúsheıtý mindeti alǵa qoıyldy.