Ýchaskelik komıssııanyń jumysy ońaı bolǵan joq – halyqaralyq baıqaýshy

ALMATY. QazAqparat - Ýchaskelik komıssııanyń jumysy ońaı bolǵan joq. Bul týraly baspasóz konferentsııasy barysynda «Wikistrat Global Consultancy» aǵa ǵylymı qyzmetkeri, AQSh táýelsiz baqylaýshylar mıssııasynyń múshesi Rıchard Ýılıam Vaıts aıtty, dep habarlaıdy QazAqparat tilshisi.

«Ýchaskeler ákimshiligi óz jumysyna jaýapty qarady, olardyń óz isine degen jaýapkershiligine kóńilim toldy. Olardyń jumysy ońaı bolǵan joq», - dedi Rıchard Ýılıam Vaıts.

Baspasóz konferentsııasy barysynda baıqaýshy qoǵam ókilderinen, partııadan baıqaýshylardy shaqyratyn qazaqstandyq tájirıbege tań qalǵanyn aıtty.

«Bul - qyzyq ádis, Amerıkada ondaı ádis joq. Men úshin bul tájirıbe paıdaly boldy. Men ol adamdarmen sóılestim, suraqtarymdy qoıdym», - dedi spıker.

Aıtýynsha, jergilikti saılaý komıssııalarynyń taǵy bir erekshelengen tusy – múmkindigi shekteýli adamdarǵa daýys berýge jaǵdaı jasalǵany.

«Almatynyń saılaý ýchaskeleri tsıfrlandyrylǵan. Erteń, 21 qarashada Astanaǵa jolǵa shyǵam. Onda da osy jumysty jalǵastyram. Sarapshylarmen kezdesem. AQSh-qa qaıtqannan keıin esep jazýǵa kirisem»,- dedi ol.