UBT: Úkimet basshysy mınıstrler men ákimderge tapsyrma berdi

ASTANA. QazAqparat - Búgin Úkimettiń selektorlyq rejimdegi otyrysynda Premer-Mınıstr Baqytjan Saǵyntaev mınıstrler men oblys ákimderine Ulttyq biryńǵaı testileýdi óz deńgeıinde ótkizýdi tapsyrdy, dep habarlaıdy QazAqparat tilshisi.

«Bul (UBT-avt.) barlyq ýaqytta da áleýmettik jaǵynan óte sezimtal másele. Sondyqtan Erlan Kenjeǵalıuly (Bilim jáne ǵylym mınıstri Saǵadıev -avt.), ákimdermen birge barlyq yqtımal táýekelderdi eskere otyryp, taldaý júrgizýdi jáne Ulttyq biryńǵaı testileýdi tıisti deńgeıde ótkizýdi tapsyramyn», - dedi Erlan Saǵadıev.

Sonymen qatar Premer-Mınıstr Іshki ister, Densaýlyq saqtaý mınıstrlikteri men Ulttyq qaýipsizdik komıtetine UBT-ǵa qatysýshylardyń qaýipsizdigin qamtamasyz etý boıynsha túbegeıli sharalar qabyldaýy qajettigin eskertti.

«Ákimder mektepterde bitirý emtıhandaryn uıymdastyrý jáne UBT ótkizý máselelerin jeke baqylaýǵa alatyn bolsyn. Erbolat Áskerbekuly baqylaý sizge júkteledi», - dedi Úkimet basshysy orynbasary Dosaevqa qarata.

Aıta keteıik, otyrysta atalǵan másele boıynsha negizgi baıandama jasaǵan Bilim jáne ǵylym mınıstri Erlan Saǵadıev Ulttyq biryńǵaı testileý 20 maýsym men 1 shilde aralyǵynda ótetindigin aıtty. 

Sonymen qatar onyń sózine qaraǵanda, mektep bitirýshilerdiń jaǵdaıyn jeńildetetin birqatar jańalyq engizilmek.

Foto:ibirzha.kz