«UBT tapsyrmalar bazasyn qalyptastyrý qupııasy» - baspasózge sholý
***
«Saryla kútken jazǵy demalys ta kelip jetti. Túlekterdiń kóńilderi oryndaryna túsip, barlyǵy mekteppen qoshtasý keshin kútip júr. Elimizdegi basty emtıhan ótkennen keıin Ulttyq testileý ortalyǵynda da jumys aıaqtaldy dep oılap qalýǵa bolady. Biraq olaı emes. Mine, týra osy məsele tóńireginde búgin sóz qozǵamaqpyz»,-dep jazady «Egemen Qazaqstan» gazeti búgingi sanyndaǵy «UBT tapsyrmalar bazasyn qalyptastyrý qupııasy» atty maqalada.
Elimizdegi bilim berý júıesindegi barlyq syrtqy emtıhandar men monıtorıngter túrlerin uıymdastyrý jəne ótkizýge arnap test tapsyrmalarynyń bazasyn qalyptastyrý UTO-nyń negizgi maqsaty bolyp tabylady. Olarǵa ulttyq biryńǵaı testileý, talapkerlerdi keshendi testileý, oqý jetistikterin syrttaı baǵalaý, jalpy orta bilim berý uıymdaryn memlekettik attestattaý, pedagog qyzmetkerlerdiń biliktiligin testileý, qazaq tilin meńgerý deńgeıin baǵalaý júıesi (Qaztest), joǵary bilimnen keıingi bilim alýǵa qabyldaý emtıhandary jatady. Joǵaryda atalǵan ər emtıhanǵa jeke dara test tapsyrmalarynyń bazasy qalyptastyrylady. Osy oraıda «Orta bilimge arnalǵan tapsyrmalar bazasyn kimder qalyptastyrady?», degen suraq týyndaýy múmkin. UTO-da jyl boıy 200-den astam qyzmetker eńbek etedi jəne olardyń ərqaısysynyń atqaratyn belgili bir mindetteri bar. Sizder osy maqalada jańa test tapsyrmasyna ómir syılaıtyn, UTO-nyń qyzyqty bólimshesi, Orta bilim berýdegi test tapsyrmalaryn qalyptastyrýdy uıymdastyrý basqarmasy týraly aqparat alasyzdar.
***
«Aıqyn» gazetinde «Jaz aılarynda týrıster sany artady» atty maqala jarııalandy. Tabıǵaty tamyljyǵan, týrısterdi tamsandyrar oryndary barshylyq Almaty oblysynda bıylǵy jazda týrıster sany artady degen úmit úlken. Ásirese, Túrkııamen eki aradaǵy alaýyzdyqtan soń onda baryp demalýdan bas tarta bastaǵan Reseı eliniń demalýshylary Jetisý jerindegi aıdyn kólderdi jaǵalaıdy degen boljam bar.
- Biz jaz aılarynda demalý úshin Jetisý óńirin tańdaǵandardy durystap qabyldaýǵa barlyq daıyndyqty jasap otyrmyz. Almaty oblysynda jazǵy demalysty uıymdastyrý úshin qajetti jáne talapqa saı ınfraqurylym bar, - dep málimdedi Óńirlik kommýnıkatsııalar qyzmetinde ótken brıfıngte Almaty oblystyq týrızm basqarmasynyń basshysy J.Alchımbaeva.
Jaqynda ǵana jasalǵan monıtorıng málimetterine sáıkes, oblysta týrısterdi qabyldaıtyn 563 nysan (statıstıkalyq málimetter boıynsha 306) esepke alynǵan. Olardyń qatarynda byltyr qoldanysqa berilgen 26 týrızm nysany da bar.
Jasyrary joq, buryndary elimizdegi kórikti oryndar men aıdyndy kólderge jetýge joldyń jaǵdaıy kóp kedergi keltiretin. Sońǵy jyldary «Nurly jol» baǵdarlamasynyń arqasynda oblystyń birneshe aýdandary arqyly ótetin respýblıkalyq mańyzy bar Almaty - Óskemen (249 shaqyrym) jáne Batys Eýropa - Batys Qytaı (oblys boıynsha 304,4 shaqyrym) avtomobıl joldaryn qaıta jańǵyrtý men qurylysy boıynsha jobalardyń júzege asýy bul máseleniń birtindep sheshilýine yqpal etti. Osy joldardyń boılarynan jolaýshylarǵa servıstik qyzmet kórsetetin nysandar ashýǵa qatysty jobalar qolǵa alynǵan. Qazirgi kezge deıin «Batys Eýropa - Batys Qytaı» kólik dáliziniń boıynda jol boıyndaǵy servıstiń 7 nysanyn qurý josparlanyp, 4 nysan boıynsha ınvestorlar anyqtalypty.
Osy gazette «Almanyń túp atasy Alataý men Tarbaǵataıda ósken» degen maqala kópshilik nazaryna usynylyp otyr. Búgingi tulparlardyń túp atasy jabaıy jylqylardy alǵash qazaqtardyń úıretkeni, álem halqynyń talǵamynan shyqqan kádimgi almalardyń túp atasy Qazaqtyń Alataý men Tarbaǵataı taýlarynda óskeni jaıly derekter dálelin taýyp, dúnıejúzindegi osy salalardy zertteýshilerdi moıyndatqanyn aqparat quraldaryndaǵy derekterden oqyp júrmiz.
«Almaty oblysynyń shyǵysyna taman sozylyp jatqan Jońǵar Alataýy silemderinde jabaıy almalar áli kúnge ósedi. Ásirese, burynǵy Úıgentas aýdanynyń aýmaǵynda óte jıi kezdesedi. Shyǵys Qazaqstannyń Úrjar aýdany da - jabaıy almanyń otany atanǵan óńirdiń biri. Endigi maqsat - sol qolda bardy joǵaltyp almaı, damytý, qorǵaý. Osy oraıda, Taldyqorǵan qalasynda «Qazaqstannyń jabaıy almalary - álemdegi almalardyń mádenı túrleriniń túp atasy» taqyrybynda halyqaralyq ǵylymı-tájirıbelik konferentsııa ótkenin aıta ketken jón», - dep jazady basylym.
***
«Kazahstanskaıa pravda» gazetinde «Antıbıotıkı evropeıskogo standarta» degen maqala berilgen. «Hımfarm» AQ-da untaq antıbıotıkterdiń óndirisi paıdalanýǵa tapsyryldy, osy arqyly Qazaqstanda halyqaralyq sapa standarttary boıynsha osy dári-dármek túriniń óndirisin qurý aıaqtaldy. Ampýla men ınfýzııalardy óndirý kásiporny iske qosylǵannan keıin, bul óz kezeginde SANTO kompanııasyn damýdyń jańa deńgeıine shyǵaratyn aýqymdy ınvestıtsııalyq baǵdarlamasyn júzege asyrý aıasynda taǵy bir qadam bolyp tabylady.